Kuri uyu wa Kabiri, bamwe mu bakozi bo mu bitaro bya Ruhengeri biri mu Murenge wa Muhoza, mu karere ka Musanze basanze hapfiriye umuntu hafi y’ubusitani bwabyo.

Uyu akaba ari umubyeyi witwa Mukandoli Clemantine, yari ahetse umwana w’imyaka 2.

Umuyobozi w’Ibitaro bya Ruhengeri, Dr Philbert Muhire yabwiye itangazamakuru ko Mukandoli yari yaraye muri biriya Bitaro yaje gusura abarwaza ndetse ngo mu gitondo hari abamubonye agendagenda mu kigo.

Ati “Ayo makuru niyo uwo mubyeyi yiciwe mu kigo kandi bamusanganye igikomere ku mutwe ariko RIB yaje itangira iperereza".

Mukandoli akomoka mu Murenge wa Nkotsi mu Karere ka Musanze akaba yari afite imyaka 32 y’amavuko, umwana yari ahetse we ngo nta kibazo yagize.

Abaturage bamubonye babwiye umunyamakuru ko babonye nyakwigendera ava amaraso mu gitsina.

Bivugwa ko uriya mubyeyi yiciwe mu bitaro bya Ruhengeri biri mu Murenge wa Muhoza

@Umubavu.com

---

---