RDC: Umuntu wa 3 yishwe n’icyorezo cya COVID-19

Minisiteri y’Ubuzima muri Repubulika iharanira Demokarasi ya Congo yatangaje ko umuntu wa Gatatu yahitanywe n’icyorezo cya Coronavirus/COVID-19.

Uwapfuye yari umunyamategeko uhagarariye itsinda ry’abanyamategeko bagira inama Perezida Félix Tshisekedi wa RDC.

Jean Joseph Mukendi wa Mulumba bivugwa ko yanduriye Coronavirus mu rugendo aherutsemo mu Bufaransa.

Ni umwe mu bantu bari bakomeye mu bahoze batavuga rumwe na Leta ya Joseph Kabila ndetse no mu baharanira uburenganzira bwa muntu.

Yahoze ari umwe mu byegera bya hafi bya Etienne Tshisekedi, se wa Perezida Félix Tshisekedi.

Kugeza kuri uyu wa Kane, tariki ya 26 Werurwe 2020, RD Congo imaze kwemeza abantu 48 barwaye Coronavirus.

Kuwa Kabiri, Perezida Tshisekedi yatangaje ko imipaka ifunzwe ndetse ko umujyi wa Kinshasa ushyizwe mu kato mu kwirinda ikwirakwira rya Coronavirus.

COVID-19: Inzara igiye kutwica, maze Kabiri ntarya, Leta nidufashe naho ubundi ubuzima bumeze nabi:





Tanga igitekerezo kuri iyi nkuru



Igitekerezo